तू...

हिंदू ना मुस्लिम ना, ना शीख ना ईसाई तू,

जन्म या मातीत दिधला जन्मदात्री आई तू...

देव अससी तूच आम्हा अस्मितेची शान तू,

धरणीलाही गौरविसी सर्वोच्च तू सन्मान तू...

पारतंत्री दीनदुबळ्यांच्या कळा असहाय तू,

परि जोखडाशी झुंजणाऱ्या वीरांची देखील माय तू...

झुंजले रणांगणी जे खड्गाची त्यांच्या धार तू,

मुक्त परि खचल्या जनांचा उद्धारता आधार तू...

शत्रूलाही रोखणाऱ्या हिमनगापरि अचल तू,

कवींची तू प्रेरणा, सुफल तू अन सुजल तू...

प्रखर सूर्यासम तळपते तेज तू अन दिव्य तू,

प्राणाहूनी तू प्रिय आम्हा धन्य तू अन वंद्य तू...